

पल शाहले अडिओसहित सार्वजनिक गरे आफूमाथि षड्यन्त्र गर्ने व्यक्तिहरूको नाम
पल शाह फरार छन्, फेला पर्नेबित्तिकै पक्राउ गर्छौंः प्रहरी

काठमाडौं – बुधबार जिल्ला प्रहरी कार्यालय, तनुहँमा अभिनेता पल शाहविरुद्ध जबर्जस्ती करणी गरेको भन्दै उजुरी परेको छ। गायिका समीक्षा अधिकारीले आफूमाथि जबर्जस्ती करणी गरेको भन्दै उजुरी दिएकी हुन्।
उजुरीपछि पल शाह जुनसुकै बेला पनि पक्राउ पर्न सक्छन्। जिल्ला प्रहरी कार्यालय तनहुँले उनको खोजी थालेको छ। शाहलाई पक्राउ गर्न तनहुँ प्रहरीले काठमाडौं प्रहरीलाई पनि जानकारी गराइसकेको छ।
१७ वर्षीया गायिकाका परिवारले तनहुँमा बुधबार बलात्कारको जाहेरी दिएपछि खोजी सुरू गरिएको जिल्ला प्रहरी कार्यालय तनहुँका प्रवक्ता एवं प्रहरी नायब उपरीक्षक (डिएसपी) युवराज खड्काले बताए।
यो सँगै अनेकन टिकाटिप्पणी सुरु भएको छ। कसैले पल शाहलाई फसाउन खोजिएको भन्दै आक्रोश प्रकट गरेका छन् भने कसैले पल शाहविरुद्ध गायिका समिक्षा अधिकारीले ठिक गरेको भनेका छन्। यसमानेमा पल शाहका समर्थक/विरोधीहरु उत्तिकै छन्।
उजुरीपछि पल शाहले बिहीबार बिहान आफूलाई षड्यन्त्र गरेर फसाउन खोज्ने व्यक्तिहरुको नाम सार्वजनिक गरेका छन्। सामाजिक सञ्जाल फेसबुकमामार्फत् आफूलाई षड्यन्त्र गर्ने व्यक्तिहरूको पहिलो सुचीमा दुर्गेश थापा रहेको बताएका छन्।
गायिका समीक्षा अधिकारीसँगको घटनामा आफू दोषी नरहेको बरू साथी र आफन्त मिलेर षड्यन्त्रपूर्वक फसाउने खोजिएको बताउँदै पल शाहले सार्वजनिक गरेको सूचीमा दुर्गेश थापाको नाम सूचीको पहिलो नम्बरमा छ।
‘गायिका समीक्षा अधिकारीलाई प्रयोग गरेर नियोजित ढंगले षड्यन्त्र गर्ने ती व्यक्तिहरुको नाम यसप्रकार रहेको छ,’ उनले सामाजिक सञ्जाल फेसबुकमा लेखेका छन्, ‘साथी दुर्गेश थापा, ठूल्दाई सरोज ओली, भाई कृष्ण जोशी, सम्राट चौलागाईं।’
केही दिनअघि मिडियामा प्रसारित अडियो क्लिप गायिका समीक्षा अधिकारीद्धारा नियोजित र षड्यन्त्रपूर्वक भएको दाबी गर्दै शाहले भनेका छन्, ‘उक्त अडियो क्लिपमा भनिएअनुसार– पलले म सुतिराको अवस्थामा मलाई सिरक ओढायो अनि जबर्जस्ती गर्न खोज्यो। हाम्रो सम्बन्ध २ वर्ष अगाडिदेखि भएको अनि १ वर्षपछि मात्र मेरो गर्लफ्रेन्ड छ भन्यो, सथै घरबेटी र उसको म्यानेजरसँग मिलेर मलाई मार्न लगाइयो।
लगायत विभिन्न सुन्न नसकिने कुराहरू भनिएको छ त्यो सबै गलत हो। यसको प्रमाण म दिन गइरहेको छु र सबै अडियो क्लिप सुनिसकेर के ठिक र के बेठिक भएको छ तपाईंहरु भगवान रुपी दर्शक, मिडियाकर्मी साथीहरुले औंल्याइदिनुहोला।’
गायिका समीक्षा अधिकारीका तर्फबाट परिवारले दिएको उजुरीमा अभिनेता पल शाहले माया–प्रेमको जालमा फसाएर बलात्कार गरेको आरोप लगाएकी छन्। तनहुँ प्रहरीका अनुसार शाहले पोखरा, तनहुँ, चितवन लगायतका स्थानमा बलात्कार गरेको जाहेरीमा उल्लेख छ।
गायिकाले करिब ३ महिनायता गीत–संगीतमा ध्यान दिन नसकेको र यसबारे बुझ्दा घटनाका बारेमा जानकारी पाएको जाहेरीमा उल्लेख छ। पीडित अधिकारीर शाहबीच एक गीतको म्युजिक भिडिओ सुटिङमा भेट भएको र त्यही बेला उनीहरूले फेसबुक र फोन नम्बर आदान प्रदान गरेका थिए। त्यसपछि उनीहरूको निरन्तर भेटघाट र संवाद हुन थालेको जाहेरीमा उल्लेख छ।
नाबालिका गायिका अधिकारीमाथि बलात्कार आरोपमा उजुरी दिएका पीडित परिवारले शाहलाई मुलुकी अपराध संहिता २०७४ को दफा २१९ को १ अनुसार अपराधमा कारबाही गर्न माग गरेका छन्।

