पल शाहलाई फेरि दमौली लगियो
कागजपत्र |
नवलपुर — बलात्कारको आरोपमा पक्राउ परेका पल शाहलाई गैंडाकोटबाट दमौली लगिएको छ ।
एक नाबालिग गायिकालाई बलात्कार गरेको अभियोगमा तनहुँ प्रहरीमा हाजिर भएका शाहलाई तनहुँबाट गैंडाकोट ल्याइए पनि (आज) मंगलबार थप अनुसन्धानका लागि फेरि तनहुँको दमौंली लगिएको हो ।
जिल्ला प्रहरीले कार्यालय गैंडाकोटमा उनको बयान लिएपछि मंगलबार दमौली पठाइएको डिएसपी दिलीप गिरीले जानकारी दिए। तनहुँ प्रहरीपछि गैंडाकोट प्रहरीमा पनि शाहविरुद्ध उजुरी परेपछि तनहुँ प्रहरीले बयानका लागि नवलपुर लगेको थियो ।
तनुहँ प्रहरीले शाहलाई चैत ४ गते सम्म हिरासतमा राखेर अनुसन्धान गर्न जिल्ला अदालत तनहुँबाट अनुमति लिएको छ।
