विजयेन्द्रसँग लगनगाठो कस्दै स्वेता खड्का

काठमाडौ – अभिनेत्री स्वेता खड्काले यही मंसीर २२ गते विवाह गर्ने भएकी छन् । उनले विजयेन्द्रसिंह रावतसँग विवाह गर्न लागेकी हुन् ।

स्रोतका अनुसार उनीहरुको विवाह गोकर्ण फरेस्ट रिसोर्टमा हुनेछ । केही समय अघि मात्र एक युवकसँग स्वेताको तस्बिर सामाजिक सन्जालमा सार्वजनिक भएपछि उनीहरुको सम्बन्धका बारेमा विभिन्न अड्कलबाजी भएको थियो । तर ती अड्कलबाजीलाई स्वेताले नकार्दै आएकी थिइन् ।

विवाहका लागि कार्ड पनि बाँडिएको छ । बाँडिएको कार्डमा विजयेन्द्र पिता धर्मपाल सिंह र माता स्नेहालता रावतको छोरा उल्लेख छ । अभिनेता श्रीकृष्ण श्रेष्ठको अनस्क्रिन जोडीका रुपमा फिल्म ‘कहाँ भेटिएला’बाट नेपाली रजतपटमा डेब्यू गरेकी श्वेताले श्रीसँगै फिल्म ‘कोहिनूर’मा अभिनय गरेकी थिइन् । श्रीकृष्ण र श्वेताले लामो समयको प्रेमलाई २०७१ असार २३ गते विवाहमा परिणत गरेका थिए । श्रीकृष्णको साउन २५ गते उपचारका क्रममा भारतमा निधन भएको थियो ।