स्कुटरः सुपरहिट फिल्मका सारथी

मुम्बई(एजेन्सी)– जब कुनै फिल्म हिट हुन्छ, त्यसमा कुनै न कुनै वस्तुको प्रयोग गरिएको हुन्छ, जो फिल्मको महत्वपूर्ण पाटो बनेको हुन्छ । अक्सर फिल्महरुको संवाद यो मामलामा बाजी मार्छ । चाहे सन् २०१९ मा रिलिज भएको फिल्म ‘उरी’ प्रख्यात संवाद ‘हाउ इज द जोश’ होस् या आमिर खानको सुपरहिट फिल्म ‘पीके’को ‘पीके हो क्या’ नै किन नहोस् । यस्ता संवादले फिल्मको लोकप्रियतालाई उचाईमा पुर्याउन महत्वपूर्ण भूमिका खेल्छ ।

तर केही यस्ता सुपरहिट फिल्म छन्, जसमा संवाद भन्दा पनि त्यसमा प्रयोग गरिएको ग्याजेट्स र सवारी साधनलाई दर्शकले रुचाएका छन् । आजकलका फिल्ममा प्राय बिलासी गाडी देखाइन्छ । तर बलिउडका केही यस्ता फिल्म छन्, जहाँ स्कुटरको प्रयोग गरिएको छ । त्यो स्कुटरमा फिल्मका स्टार देखिँदा सबै अचम्मित भएका छन् । संयोग नै मान्नुपर्छ, स्कुटर प्रयोग भएका फिल्महरु बक्स अफिसमा सुपरहिट नै भएका छन् ।

अभिनेता सलमान खानको ब्लकबस्टर फिल्म ‘सुल्तान’मा उनको र अभिनेत्री अनुष्का शर्माको जोडीलाई दर्शकले निकै मनपराएका छन् । सन् २०१६ मा रिलिज यो फिल्ममा सलमानको स्कुटरले दर्शकको ध्यान खिचेको थियो । सलमान र अनुष्काको स्कुटरको सवारीले फिल्मलाई चार चाँद नै लगाइदिएको थियो ।

दक्षिण भारतीय स्टार धनुष र अभिनेत्री सोनम कपूरको प्रेमकथाको फिल्म ‘रांझणा’लाई दर्शकले खुबै मनपराए । यो फिल्ममा दुवै कलाकारको अभिनयलाई दर्शकले खुबै मनपराए । सन् २०१३ मा रिलिज फिल्ममा धनुष र सोनमको जोडी स्कुटरमा देख्दा दर्शक निकै खुशी भएका थिए ।

रेसलर बबीता फोगाटको जीवनमा आधारित फिल्म ‘दंगल’ तपाईंले हेर्नु नै भएको होला । सन् २०१६ मा रिलिज भएको यो आमिर खानको सुपरहिट फिल्ममा स्कुटरको भूमिका निकै महत्वपूर्ण थियो । फिल्ममा पहलवानको बाबुको भूमिका निभाएका आमिरले कैयौं पटक स्कुरको प्रयोग गरेका छन् ।

सन् २००८ मा रिलिज शाहरुख खान र अनुष्का शर्मा स्टार फिल्म ‘रब ने बना दी जोडी’मा शाहरुख खान प्रायः स्कुटरमा अफिस गइरहेका देखिन्छन् । फिल्मको कथामा पनि स्कुटरलाई निकै प्रयोग गरिएको छ ।

शाहरुख खानको करियरको सबैभन्दा महत्वपूर्ण फिल्ममा चर्चित ‘चक दे इण्डिया’ सन् २००७ मा रिलिज भएको थियो । यो समय स्कुटरको क्रेज निकै थियो । फिल्ममा शाहरुख खानको प्रवेश नै स्कुटरका साथ भएको थियो र फिल्मको अन्त्य पनि स्कुटरसँगै भएको थियो ।