ड्युटीमा रहेका प्रहरीले आँफैंलाई एसएलआर हानेपछि…
कागजपत्र |
कैलाली – कैलालीको कालाकुण्डा प्रहरी चौकीमा कार्यरगत प्रहरी जवान झंकर बोहोराले आत्महत्याको प्रयास गरेका छन् ।
चौकीको गेटमा खटिएर ड्युटी गरिरहेका बोहोराले मध्यरात साढे १ बजे आफैंले बोकेको एलएलआरले आफ्नै चिउँडोमा गोली प्रहार गरी आत्महत्याको प्रयास गरेका छन् ।
घाइते अवस्थामा रहेका बोहोरालाई थप उपचारको लागि अहिले काठमाडौंको वीरेन्द्र प्रहरी अस्पताल ल्याइएको प्रहरीले जनाएको छ ।
घाइते अवस्थामा भेटिएका बोहोरालाई तत्कालै कैलालीको टिकापुरमा उपचारका लागि लगिएकोमा त्यहाँबाट थप उपचारका लागि कोहलपुरस्थित मेडिकल कलेजमा लगिए पनि त्यहाँ पनि उपचार हुन नसकेपछि काठमाडौं लगिएको जनाइएको छ ।
कैलालीको मेहलमुडी कालीकोट दरबन्दी भएका बाेहोराले किन गाेली हाने भन्ने कुरा अहिलेसम्म खुलिनसकेको प्रहरीले जनाएको छ ।
