सशस्त्र प्रहरीका १६ डीएसपी एसपीमा बढुवा तयारी

काठमाडौं – सशस्त्र प्रहरी बलका १६ जना सशस्त्र प्रहरी नायव उपरीक्षक (डीएसपी) लाई सशस्त्र प्रहरी उपरीक्षक (एसपी) मा बढुवाको तयारी थालिएको छ । सशस्त्र प्रहरी वलका रिक्त भएको १६ एसपी पदमा बढुवाको तयारी थालिएको हो ।

सशस्त्र प्रहरी वलले रिक्त पदमा बढुवाका लागि गत पुस २६ गते तीन दिने सुचना प्रकाशित गरेर सम्भाब्य उमेदवारबाट मुल्यांकन फारम भर्न आह्वान गरेको थियो। फारम भर्ने म्याद गत पुस २९ गते नै सकिएकाले सम्भवत आज नै वढुवा समितिको वैठक बसेर सिफारिस गर्ने तयारी गरिएको छ ।

स्रोतका अनुसार अघिल्लो बढुवामा छुटेका डिएसपीहरू हर्कराज पन्त, प्रदिप कार्की, राजकुमार लामिछाने, विनोद केसी, रमेश थापा, गगन श्रेष्ठ, चित्रांग दाहाल, विक्रम हुमागाइ, प्रदिप खड्का, कृष्णराज अधिकारी, रुपकुमार क्षेत्री, शसि पाण्डे, तिर्थ थापा, राजु गौतम, अरविन्द श्रेष्ठ र सुर्य आचार्य एसपीमा बढुवा हुँदै छन्।