सशस्त्र प्रहरीद्वारा कञ्चनपुरबाट लागूऔषधसहित २ पक्राउ
कागजपत्र |
कञ्चनपुर – कञ्चनपुर जिल्लाको पुनर्वास नगरपालिका ४ आँपतालस्थित सीमा ईलाकाबाट फागुन १६ गते सशस्त्र प्रहरीले लागूऔषधसहित दुई जनालाई पक्राउ गरेको छ ।
पक्राउ पर्नेहरुमा कैलाली जिल्लाको गोदावरी नगरपालिका ५ बस्ने १९ वर्षिय धिरज राना र सोही जिल्लाको धनगढी उपमहानगरपालिका ३ बस्ने १९ वर्षिय दिपक राना छन् ।
भारतबाट नेपालतर्फ आउँदै गरेका उनीहरुलाई सशस्त्र प्रहरी बल नेपाल बिओपी आँपतालबाट खटिएको सशस्त्र प्रहरीले शंका लागि जाँच गर्दा उनीहरुको साथमा निट्रोभेट ट्याब्लेट ३० वटा र स्पास ट्याब्लेट २४ वटा फेला पारेको हो ।
पक्राउ परेका दुवै जनालाई बरामद लागूऔषधसहित आवश्यक कारवाहीको लागि नेपाल प्रहरीलाई बुझाईएको छ ।
