देशभर थप ७४७ जना कोरोना संक्रमित, ८ को मृत्यु

काठमाडौं – नेपालमा गत २४ घन्टामा ७४७ जना नयाँ संक्रमित थपिएका छन् । स्वास्थ्य मन्त्रालयका अनुसार गत २४ घन्टामा देशभरका प्रयोगशालामा गरिएका ८६९६ नमूना परिक्षणमा उक्त संख्यामा कोरोना पोजेटिभ देखिएको हो ।

त्यस्तै नेपालमा थप २ हजार ३१९ जना कोरोनामुक्त भई अस्पतालबाट डिस्चार्ज भएको पनि मन्त्रालयले जनाएको छ ।

मन्त्रालयका अनुसार गत २४ घन्टामा देशभर थप ८ संक्रमितको मृत्यु भएको छ । यससँगै हालसम्म कोरोनाबाट ज्यान गुमाउनेको संख्या ११ हजार ९ सय पुगेको छ ।

अहिलेको अवस्थामा नेपालमा २० हजार ७ सय ३९ सक्रिय संक्रमित रहेको मन्त्रालयले जनाएको छ ।