नेपालमा थप १२००८ जनामा कोरोना पुष्टी, ८ को मृत्यु

काठमाडौं – नेपालमा पछिल्लो २४ घन्टामा १२००८ जना कोरोना संक्रमित थपिएका छन् । स्वास्थ्य मन्त्रालयका अनुसार गत २४ घन्टामा देशभरका विभिन्न प्रयोगशालामा गरिएको २५९०९ नमुना परिक्षणमा उक्त संख्यामा कोरोना पोजेटिभ देखिएका हुन् ।

मन्त्रालयका अनुसार सोही अवधिमा देशभरका विभिन्न अस्पतालबाट ३०४० जना कोरोनामुक्त भएका छन् भने कोरोनाकै कारण ८ जनाले ज्यान गुमाएका छन् । यससँगै हालसम्म नेपालमा ११ हजार ६ सय ६७ जनाको मृत्यु भएको छ ।

पछिल्लो २४ घन्टामा देशभर २३९८५१ जनाले कोरोनाविरुद्धको खोप लगाएका छन् । अहिलेको अवस्थामा ८८ हजार ९३४ सक्रिय संक्रमित रहेको पनि मन्त्रालयले जनाएको छ ।