काठमाडौंमा ११२८ सहित उपत्यकामा मात्रै थपिए १४९८ संक्रमित

काठमाडौं –  काठमाडौंमा पछिल्लो २४ घन्टामा १४९८ नयाँ संक्रमित थपिएका छन्  । स्वास्थ्य मन्त्रालयका अनुसार गत २४ घन्टामा काठमाडैंमा ११२८, भक्तपुरमा १३४ र ललितपुरमा २३६ जनामा कोरोना पुष्टी भएको हो ।

मन्त्रालयका अनुसार गत २४ घन्टामा देशभर ३०७५ कोरोना संक्रमित थपिएका छन् ।

स्वास्थ्य मन्त्रालयका अनुसार पछिल्लो २४ घन्टामा १३ हजार ३३  नमुना परिक्षण गरिएकोमा उक्त संख्यामा कोरोना पुष्टी भएको हो ।  त्यस्तै गत २४ घन्टामा २७८ जना कोरोनामुक्त भएका छन् भने २ जनाको मृत्यु भएको छ ।  मन्त्रालयका अनुसार गत २४ घन्टामा २ लाख १४ हजार ५७ जनाले कोरोनाविरुद्ध खोप लगाएका छन् ।

नेपालमा अहिलेको अवस्थामा ११ हजार ६ सय ९० जना सक्रिय संक्रमित रहेको मन्त्रालयले जनाएको छ ।