८९०९ जनाको परिक्षण गर्दा ३०८ मा कोरोना पुष्टी, ३ को मृत्यु

काठमाडौं – पछिल्लो २४ घण्टामा देशभर थप ३०८ जनालाई कोरोना भाइरस संक्रमण पुष्टि भएको छ । सोही अवधिमा २९८ जना संक्रमणमुक्त भएका छन् भने ३ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार ८ हजार ९०९ जनाको कोरोना परीक्षण भएको छ  ।

१ लाख ७७ हजार ८८४ जनाले कोरोना विरुद्धको खोप लगाएका छन् । हाल सक्रिय संक्रमित ७ हजार ३४९ जना छन् । यसैबीच आज थपिएकामध्ये काठमाडौं उपत्यकाका १३० जना छन् ।

काठमाडौं उपत्यकामा ७८, ललितपुरमा ३६ र भक्तपुरमा १६ जनालाई कोरोना संक्रमण पुष्टि भएको छ । नेपालमा हालसम्म ९ लाख १५ हजार ७०९ जनालाई संक्रमण पुष्टि भएको छ जसमध्ये ८ लाख १ हजार ४२० जना निको भएका छन् भने ११ हजार ५१६ जनाको मृत्यु भएको छ ।