देशभर १६५३९ परिक्षणमा १४८६ मा कोरोना पुष्टी, १६ जनाको मृत्यु

काठमाडौं – नेपालमा पछिल्लो २४ घन्टामा १४८६ जनामा कोरोना संक्रमण पुष्टी भएको छ । स्वास्थ्य मन्त्रालयका अनुसार देशभरका विभिन्न प्रयोगशालामा गरिएको १६ हजार ५३९ नमूना परिक्षणमा उक्त संख्यामा कोरोना पोजेटिभ देखिएको हो ।

त्यस्तै पछिल्लो २४ घन्टामा देशभरबाट १ हजार २६० जना कोरोनामुक्त भइ डिस्चार्ज भएका छन् । यससँगै हालसम्म ७ लाख ४० हजार ७ सय १७ जना कोरोनामुक्त भएका छन् ।

त्यस्तै पछिल्लो २४ घन्टामा १६ जनाले कोरोनाका कारण ज्यान गुमाएका छन् । यससँगै हालसम्म कोरोनाबाट ज्यान गुमाउनेको संख्या १० हजार ९६५ पुगेको छ ।

पछिल्लो तथ्यांकअनुसार अहिलेको अवस्थामा देशभर २६ हजार ६ सय ३० जना सक्रिय संक्रमित रहेका छन् ।