राजपरिवारको बारेमा विवादास्पद अभिव्यक्ति दिएका कारण सुरक्षाको ‘खेल’ सुपरफ्लप

काठमाडौं- अभिनेत्री सुरक्षा पन्तको प्रमुख भूमिका रहेको चलचित्र ‘खेल’ रिलिजको पहिलो दिनमै सुपरफ्लप भएको छ। शुक्रवार रिलिज भएपछि चलचित्रले देशभर डेढ सयजति शो पाए पनि दर्शक तान्न सकेन।  अधिकांस शोहरू खाली रहे र केही स्थगित पनि गरिए । शनिबारको दिनमा पनि कुनै सुधार देखिएको छैन।

चलचित्रमा लगभग दुई करोड रुपैयाँ लगानी गरिएको भए पनि व्यापारमा अपेक्षित नतिजा आउन सकेन। निर्माता स्रोतका अनुसार, फिल्मको कलेक्सन लाजमर्दो भएको छ। सामाजिक सञ्जालमा सुरक्षा पन्तको विवादास्पद अभिव्यक्तिका कारण फिल्मका बहिष्कारको अभियान चलाइएको थियो, जसले फिल्मको प्रदर्शनमा कुनै सकारात्मक प्रभाव देखिएन।

उनले राजपरिवारको बारेमा अपमानजनक टिप्पणी गरेपछि राजावादी समूहबाट आलोचना र गालीगलौजको सामना गर्नुपर्‍यो। यसै कारण फिल्मको बहिष्कारको अभियान सुरु भयो।

यद्यपि, फिल्मको प्रदर्शन कमजोर रहेको सबै कारण एकल रूपमा पन्तको अभिव्यक्तिमा मात्र निहित छैन। फिल्मको कथावस्तु र प्रस्तुति पनि कमजोर रहेको विश्लेषण गरिएको छ, जसले दर्शकलाई हलसम्म आकर्षित गर्न सकेन।