समाचारप्रति न्यूएन्जल्सको ध्यानाकर्षण !

काठमाडौं – न्यू एन्जल्स डान्सबारका सम्बन्धमा अनलाइनन्यूज७ मा प्रकाशित न्यू एन्जल्स डान्सबार लुटको अखडाः बौद्धका डिएसपीको भेटियो संलग्नता ! शिर्षकको समाचारमा ध्यानाकर्षण भएको जनाएको छ ।

डान्सबारले हालै प्रकाशित समाचारअनुसार आफ्नो रेष्टुरेन्टमा आएका चार जना ग्राहकलाई पटक–पटक सम्झाउँदा पनि पैसाको बारेमा चिन्ता नगर्न भन्दै अर्डर गरिरहेको तर अन्तिममा पैसा तिर्ने बेलामा विभिन्न धाक धम्की दिएर आफूहरुले बाध्य भएर प्रहरीलाई खबर गरेको बताएको छ ।

समाचारमा आएजस्तो उनीहरुले ६ बोतल बियर र ३ बोतल पानी मात्र खाएको नभई रेस्टुरेन्ट को १ नम्बर टेबलमा बसेर विभिन्न खानेकुरा खाइ ६३ हजार ५ सय बिल उठेपछि पैसा तिर्नुभन्दा झै-झगडामा उत्रिएकोले आफूहरूले प्रहरीलाई खबर गरेको डान्सबारले बताएको छ । पछि चौकीमा गएर ती ग्राहकले १ साताभित्र बिल बराबरको रकम भुक्तानी गर्ने शर्तमा आफूहरुको बिल भुक्तानी भइसकेपछि अब आइन्दा ती व्यक्तिसँग व्यक्तिगत रिसइबी नराख्ने गरी कागज गरिएको पनि न्यूएन्जल्स डान्सबारले जनाएको छ ।