दृष्टान्त दिँदै शेखरले भने, ‘बीपी भन्नुहुन्थ्यो कम्युनिस्टसँग मिलेर अगाडि जान हुँदैन’
कागजपत्र |
काठमाडौं — नेपाली कांग्रेसका बरिष्ठ नेता डा. शेखर कोइरालालले पछिल्लो राजनीतिक घटनाक्रमसँगै बीपी कोइरालाको भनाईलाई स्मरण गरेका छन् । नववर्ष २०७९को अवसरमा नेपाल निजामती कर्मचारी युनियन केन्द्रीय समितिले आयोजना गरेको शुभकामना आदान प्रदान कार्यक्रमलाई मंगलबार सम्बोधन गर्दै आसन्न स्थानीय तह निर्वाचनको पूर्वसन्ध्यामा गरिन लागेको गठबन्धनका सन्दर्भमा बरिष्ठ नेता कोइरालाले बीपीले कहिल्यै पनि कम्युनिस्ट मिलेर अगाडि जान हुँदैन भनेको कुरा स्मरण गरेका छन् ।
कार्यक्रममा नेता कोइरालाले भने, ‘बीपीले कहिल्यै पनि कम्युनिष्टसँग मिलेर अगाडि जान हुँदैन, आन्दोलन पनि गर्न हुँदैन भन्नु भयो। कांग्रेसको आदर्श र सिद्धान्त बीपी कोइरालाले नै प्रतिपादन गरेको तपाईँहरुलाई थाहै छ।’
उनले विगतमा पटकपटक कम्युनिस्टसँग सहकार्य गरे पनि चुनावका सवालमा भने एक्लै लडेको स्मरण गर्दै भने, ‘पहिलो जनआन्दोलनमा एमाले हामीसँग थियो सफल भयो। कृष्णप्रसाद भट्टराई प्रधानमन्त्री हुनुभयो। सरकारमा एमाले पनि सहभागी थियो। निर्वाचनमा हामी सँगै गएनौँ, कांग्रेस पहिलो पार्टी बनेर आयो।
दोस्रो जनआन्दोलन भयो। यसमा गिरिजा प्रसाद कोइरालाले माओवादी, एमाले सबैलाई एक ठाउँमा ल्याउनु भयो आन्दोलन सफल भयो। अन्तरिम संविधान जारी भयो। गिरिजाले भन्नु भो, कांग्रेस हार्दैछ। लोकतन्त्र र देशले जित्दैछ। त्यो बेलामा पनि हामी सँगै चुनावमा गएनौँ । सुशिल कोइरालाको पालामा एमाले सरकारमा थियो। हामी निर्वाचनमा गयौँ । हामी एक्लै लडेका थियौँ। यसमा हामी पराजित भइयो।’
नेता कोइरालाले अहिले पार्टी मजबुद अवस्थामा रहेको अवस्थामा गठबन्धन गर्नुको औचित्य बुभ्mन नसकेको बताउँदै भने, ‘आज के कारण, के अवस्था आयो कि कांग्रेस माओवादीसित जनता समाजवादी पार्टी, एकीकृत समाजवादीसँग मिलेर चुनावमा जानुपर्ने अवजस्था आयो हाम्रो सामून्ने छ। नेपाली कांग्रेसको विधानले केही कुराहरु निर्देशित गरेको छ। महानगरपालिका, केन्द्रले निर्णय गर्ने भनेको छ। उपमहानगर र नगरपालिका प्रदेशले निर्णय, गाउँपालिका जिल्लाले निर्णय गर्ने, वडाले क्षेत्रले गर्ने भनेको छ। सँगसँगै केन्द्रीय समितिले आवश्यकता र औचित्यतालाई मध्यनजर गरीकन स्थानीय तहमा तालमेल गर्न सक्ने भनेको छ। त्यो कुरालाई हामीले नजरअन्दाज गरेर केन्द्रबाटै हामीले तोक्न थाल्यौँ भने त्यसले नेपाली कांग्रेसलाईै अप्ठ्यारोमा पार्छ पार्छ, गठबन्धनका अन्य दललाई पनि अप्ठ्यारो पार्ने मैले देख्या छु।’
केही शीर्ष नेताहरुले चुनाव सार्ने अभिव्यक्ति दिँदै आएकोप्रति लक्षित गर्दै कोइरालाले भने, ‘निर्वाचन पक्कै पनि हुन्छ। शंका नगरौँ, तालमेल पनि हुन्छ, यो तालमेल जिल्लामै क्षेत्रमै सत्ता गठबन्धनका दलसँग मिलेर छलफल गरेर, कुन ठाउँमा कसको के छ भनेर अगाडि बढ्दा मुर्त रुप लिन सक्छ हैन भने परिस्थिति बेग्लै तिर जान्छ।’
उनल गठबन्धनका सन्दर्भमा भने, ‘केही जिल्लामा गम्भीर अवस्था आइरहेको छ। कांग्रेसका साथीहरुलाई संयमित भएर अगाडि बढ्नु भन्ने आग्रह छ। उत्तेजित काम नगरिदिनुहोस्।’
त्यस्तै फरक प्रसंगमा कोइरालाले भने, ‘देशको अर्थतन्त्र ओरालो लागेको अवस्था छ। यस्तो बेलामा राष्ट्र बैंकको गभर्नरलाई निलम्बन गरिएको छ। यसले झन अप्ठ्यारो परिस्थितिमा जान्छ भन्नेमा दुई मत छैन। नेपालको अर्थतन्त्रलाई विश्व बैंक, एसियाली विकास बैंक लगायतले शुक्ष्म ढंगले हेरिरहेको छ। अर्थतन्त्र ओरालो लागेको बेला गभर्नरले कुरा सुनेन भन्दै निलम्बन गर्नु गैरजिम्मेवार हो भनेर म भन्छु।’
‘४० करोड रुपैयाँ विदेशी रकम नेपालमा आउँछ, त्यसको छानबिन रोकिएको हुन्छ, छानबिन गर्ने निकाय राष्ट« बैंक होकि हैन ?’ उनले प्रश्न गरे ।
‘विश्वका सबै प्रजातान्त्रिक देशमा अर्थमन्त्री र गभर्नरबीच खटपट चलिरहेको हुन्छ। गभर्नरले अर्थमन्त्रालयले गरेको गलत काम रोक्न खोजिरहेको हुन्छ। किन भने मौद्रीक नीति राष्ट« बैंकले बनाउँछ। बिलासी सामानको आयात रोकौँ हामीले पनि भनिरहेका छौँ, सुपारी, छोकडाको आयात किन चाहियोरु मरिचको आयात किन चाहियो ? यसको जवाफ सरकारले, अर्थमन्त्रालयले दिनुपर्छ,’ कोइरालाले भने ।
‘गभर्नरका कमीकमजोरी होलान् म छैन भन्दिनँ। तर, अर्थतन्त्र ओरालो लागेको बेला निलम्बन गर्नु सरासर गैरजिम्मेवार पन हो,’ उनले भने ।
