देशभर थपिए २२ संक्रमित, ७५ जना कोरोनामुक्त

काठमाडौं – नेपालमा पछिल्लो २४ घन्टामा २२ जना कोरोना संक्रमित थपिएका छन् । स्वास्थ्य मन्त्रालयका अनुसार देशभर गरिएको ३ हजार ८ सय ३५ नमूना परिक्षणमा उक्त संख्यामा कोरोना पोजेटिभ देखिएको हो ।

मन्त्रालयका अनुसार गत २४ घन्टामा ७५ जना संक्रमित कोरोनामुक्त भई अस्पतालबाट डिस्चार्ज भएका छन् भने कुनै पनि संक्रमितको मृत्यु भएको छैन ।

नेपालमा अहिलेको अवस्थामा १ हजार २२ जना सक्रिय संक्रमित रहेको पनि मन्त्रालयले जनाएको छ ।