नेपालमा तीब्रगतिमा बढ्यो कोरोना, एकैदिन १४४६ संक्रमित थपिँदा २५५ डिस्चार्ज

काठमाडौं – नेपालमा एकैदिन थप १५ सयको हाराहारीमा कोरोना संक्रमित थपिए । स्वास्थ्य मन्त्रालयका अनुसार पछिल्लो २४ घन्टामा गरिएको ११ हजार ४२९ को परिक्षणमा १ हजार ४४६ जना नयाँ कोरोना संक्रमित थपिएका छन् ।

यससँगै पछिल्ला दिनमा कोरोना संक्रमितको संख्या तीब्रगतिमा बढ्दै गइरहेको छ ।

त्यस्तै गत २४ घन्टामा नेपालमा २५५ जना कोरोनामुक्त भएका छन् भने २ जनाले कोरोनाकै कारण ज्यान गुमाएका छन् । हालसम्म नेपालमा ११ हजार ६ सय ६ जनाले कोरोनाकै कारण ज्यान गुमाइसकेका छन् ।

मन्त्रालयका अनुसार गत २४ घन्टामा २ लाख १० हजार ५ सय ९४ जना ले कोरोनाविरुद्धको खोप लगाएइका छन् ।

अहिलेको अवस्थामा नेपालमा ७ हजार ८ सय ५५ जना सक्रिय संक्रमित पुगेको पनि मन्त्रालयले जनाएको छ ।