घुससहित समातिएका शैल्यशिखर नगरपालिकाका अधिकृत धामीसँग भेटियो ५० लाखको चेक
कागजपत्र |
काठमाडौं – दार्चुलाको शैल्यशिखर नगरपालिकाका कृषि अधिकृत धामीसहित २ जना कर्मचारीसँग ४ लाख १२ हजार रुपैयाँमात्र नभएर ५० लाख बढी रकमको चेकपनि भेट्टिएको छ ।
अख्तियार दुरुपयोग अनुसन्धान आयोग महेन्द्रनगरको कार्यालयले कृषि प्राविधिक (अधिकृत) मोहनसिंह धामी र कृषि नायव प्राविधिक सहायक(जेटीए) अशोकसिंह धामीलाई सोमबार ४ लाख १२ हजार रुपैयाँ घुस लिँदालिदैँ समातेको थियो ।
कृषि प्राविधिकद्वय धामीले कृषि समूहको बिल भुक्तानी गर्दा कमिशन वापत सेवाग्राहीसँग घुस माग गरिरहेको भन्ने सूचना एवं उजुरी निवेदनका आधारमा अख्तियारबाट खटिई गएको टोलीले कैलालीको धनगढी उपमहानगरपालिका-४ बोराडाँडीबाट पक्राउ गरेको हो ।
उनीहरूले सेवाग्राहीबाट नगद ४ लाख १२ हजार घुस लिइसकेको अवस्थामा र सो बाहेक उनीहरूको साथबाट ४५ लाख ६० हजारको ५ थान चेक र जेटीए धामीको नाममा काटिएको २ लाख ५० हजारको २ वटा गरी ५० लाख ६० हजारको चेकसहित नियन्त्रणमा लिइएको अख्तियारले बताएको छ ।
दुवैलाई नियन्त्रणमा लिएर थप अनुसन्धान भइरहेको अख्तियारले जनाएको छ ।
यो पनि:
रंगेहात समातिएका शैल्यशिखर नगरपालिकाका अधिकृत धामीसँग भेटियो ४ लाख १२ हजार
शैल्यशिखर नगरपालिकाका कृषि अधिकृतसहित २ जना घुससहित पक्राउ
