साहिलको भिडियोमा फरक पूजा
कागजपत्र |
काठमाडौं–अभिनेत्री पुजा शर्मा र सन्तोषविक्रम खड्गीको अभिनय रहेको नेपाली, नेवारी, स्पेनिश फ्युजनमा आधारित गीत ‘डार्लिङ तिमी बांलाः’ सार्वजनिक भएको छ । सन्तोषको स्वरमा रहेको उक्त गीतको भिडियो स्वयं खड्गीकै अफिसियल युट्युब च्यानलबाट सार्वजनिक गरिएको हो ।
भिडियोमा अभिनेत्री पूजा पहिलोपटक नेवारी भेषभूषमा देखिएकी छन् । गीतको भिडियो ललितपुरको मंगलबजारमा छायांकन गरिएको हो । भिडियोका निर्देशक फिल्म सम्पादक साहिल खान हुन् ।
निर्मल विकको संगीत तथा विजेश्वरको एरेन्जमा समेटिएको यो गीतको भिडियोमा सुरेन्द्र बसेलको कोरियोग्राफी, राजेन्द्र मोक्तानको रङ संयोजन, सुदीप बरालको छायांकन तथा मिलन श्रेष्ठ र शाहिल खानको सम्पादन छ ।
