संरक्षित वन्यजन्तु सालकको आखेटोपहार सहित एक जना पक्राउ
कागजपत्र |
काठमाडौं – काठमाडौं महानगरपालिका वडा नं. १३ स्थित सोल्टीदोबाटोबाट संरक्षित वन्यजन्तु सालकको आखेटोपहार सहित एक जना पक्राउ परेका छन् ।
सालकको आखेटोपहार बाह्र लाखमा बिक्रि गर्न खोजिरहेको भन्ने गोप्य सूचनाको आधारमा महानगरीय प्रहरी बृत्त कालीमाटीमाबाट खटिएको प्रहरी अधिकृत सहितको टोलीले सालकको आखेटोपहार जस्तो देखिने वस्तु २ थान र डिजिटल तराजु १ थान सहित उनलाई पक्राउ गरिएको हो ।
पक्राउ पर्नेमा धादिङ त्रिपुरा सुन्दरी गा.पा.डा नं. ३ घर भई हाल का.जि.तारकेश्वर न.पा.१० नेपालटार, बस्दै आएका गोपाल बानियाँ रहेका छन् ।
उनको साथबाट सालकको आखेटोपहार जस्तो देखिने वस्तु ०.८६० ग्राम १ थान ,सालकको आखेटोपहार जस्तो देखिने वस्तु ०.५२० ग्राम १ थान, डिजिटल तराजु १ थान, मोबाइल फोन १ थान, कालो ब्याग १ थान र झोला १ थान बरामद गरिएको छ ।
घटनाको सम्बन्धमा महानगरीय प्रहरी बृत्त कालीमाटीबाट थप अनुसन्धान भईरहेको जनाएको छ ।
