‘बेहुली’का निर्देशक आचार्यको निधन
कागजपत्र |
काठमाडौं – कलाकार तथा निर्देशक रेशराज आचार्यको निधन भएको छ ।
बुधबार स्वास्थ्य अवस्था जटिल भएपछि उनलाई चाबहिलस्थित ओम अस्पताल लगिएकोमा उपचार गर्दा गर्दै निधन भएको अस्पतालले जनाएको छ । उनको हृदयाघातका कारण निधन भएको कलाकार मोहन निरौलाले जनाए ।
६२ वर्षीय आचार्यको बिहीबार बिहान पशुपति आर्यघाटमा दाहसंस्कार गरिएको छ ।
‘बेहुली’ चलचित्रबाट निर्देशनमा डेब्यु गरेका आचार्यले ‘सम्पत्ति’, ‘आमा’, ‘धर्म संकट’लगायत करिब १५ चलचित्र निर्देशन गरेका थिए । उनी लामो समयदेखि चाबहिलमा बस्दै आएका थिए ।
