जबरजस्ती करणी मुद्दाका फरार प्रतिवादी पक्राउ
कागजपत्र |
मोरङ – जबरजस्ती करणी मुद्दाका फरार प्रतिबादी सुनवर्षी नगरपालिका-५ टकुवा बस्ने ३२ वर्षीय दिपक दासलाई शुक्रबार प्रहरीले पक्राउ गरेको छ ।
जिल्ला अदालत मोरङको २०७१ माघ २१ गतेको फैसलाले जवरजस्ती करणी मुद्दामा ८ वर्ष ६ महिना कैद सजाय ठहर भई फरार रहेका दासलाई ईलाका प्रहरी कार्यालय रंगेलीबाट खटिएको प्रहरीले पक्राउ गरेको हो ।
उनलाई जिल्ला अदालत मोरङमा पेश गरिएकोमा अदालतको आदेशले कैद भुक्तानका लागि कारागार कार्यालय विराटनगर पठाइएको जिल्ला प्रहरी कार्यालय मोरङले जनाएको छ ।
जबरजस्ती करणी गरेको अभियोगमा पक्राउ
१० वर्षीया बालिकालाई जबरजस्ती करणी गरेको अभियोगमा सुनसरी दुहबी नगरपालिका-४ मालहटी टोल बस्ने ५२ वर्षीय राजु सहनीलाई शनिबार साँझ प्रहरीले पक्राउ गरेको छ ।
भदौ १५ गते ती बालिकालाई सहनीले जबरजस्ती करणी गरेको भन्ने खबर प्राप्त हुनासाथ ईलाका प्रहरी कार्यालय दुहबीबाट खटिएको प्रहरीले उनलाई पक्राउ गरेको हो ।
