कैलाली र पाल्पामा भरूवा बन्दुकसहित दुई जना पक्राउ
कागजपत्र |
काठमाडौं– कैलाली र पाल्पामा भरूवा बन्दुकसहित दुई जना पक्राउ परेका छन् ।
कैलाली, घोडाघोडी नगरपालिका–१२ नकफोडुवा बस्ने ३७ वर्षीय मोहन बहादुर खत्रीलाई भरूवा बन्दुक ३ थानसहित प्रहरीले पक्राउ गरेको छ । इलाका प्रहरी कार्यालय सुखडबाट खटिएको प्रहरीले उनको घर तलासी गर्दा उक्त बन्दुक फेला पारी पक्राउ गरेको हो ।
पाल्पा, रैनादेवी छहरा गाउँपालिका–१ सिद्धेश्वर बस्ने ३६ वर्षीय ईश्वर कुमाललाई एकनाले भरुवा बन्दुकसहित प्रहरीले पक्राउ गरेको छ । ईश्वरले सोमबार राति जङ्गलमा सिकार खेल्ने क्रममा बन्दुक पड्काउँदा बन्दुकको छर्रा लागेर सोही ठाउँ बस्ने ३४ वर्षीय टोप बहादुर कुमाल घाइते भएको भन्ने खबर प्राप्त हुनासाथ प्रहरी चौकी सर्देवाबाट खटिएको प्रहरीले ईश्वरको घर तलासी गर्दा उक्त बन्दुक फेला पारी पक्राउ गरेको हो ।
