फोन गर्दागर्दै विवाद भएपछि आफैंलाई गोली हानेका थिए संसद भवनमा खटिएका प्रहरीले
कागजपत्र |
काठमाडौं– आफैँलाई गोली हानेर आत्महत्या गरेका संघीय संसद भवनमा कार्यरत् नेपाल प्रहरीका जवान अजित गोलेको मृत्युको कारण पारिवारिक तनाव रहेको प्रारम्भीक अनुसन्धानबाट खुलेको छ ।
आज बिहान बिहान ६ बजेदेखि ड्यूटीमा बसेका अजितले शौचालय छिरेर एसएलआरबाट आफैलाई गोली हानेका थिए ।
गोली उनको निधारमा लागेको थियो । उनको घटनास्थलमै मृत्यु भएको थियो ।
प्रहरी अधिकारीहरुका अनुसार उनी घर वा अरु कसैलाई फोन गरिरहेका थिए । फोन गर्दागर्दै विवाद भएपछि शौचालय छिरेका उनले आफैलाई गोली प्रहार गरेको पाइएको एक उच्च प्रहरी अधिकारीले जानकारी दिए ।
दोलखा घर भएका प्रहरी जवान गोले २०७६ सालमा प्रहरी सेवामा जवानको रुपमा प्रवेश गरेका थिए ।
प्रहरीको विशेष सुरक्षा दस्ता (एसटीएफ) मा कार्यरत् गोलेको घटनाबारे थप अनुसन्धान जारी रहेको प्रहरीले जनाएको छ ।
२२ वर्षीय प्रहरी जवान अजितले दुई नम्बर गेटको शौचालायमा छिरेर आफैंलाई गोली हानेका थिए ।
