ग्रीन भेन्चर्सको ३१ करोड २५ लाखको आईपीओ मंगलबारदेखि निष्काशन

काठमाडौ – ग्रीन भेन्चर्स लिमिटेडले मंगलबारदेखि सर्वसाधारणका लागि आईपीओ निष्काशन गर्ने  भएको छ ।  बिक्री प्रबन्धक लक्ष्मी क्यापिटलका अनुसार कम्पनीले सर्वसाधारणलाई ३१ करोड २५ लाख बराबरको ३१ लाख २५ हजार शेयर निष्काशन गर्न लागेको हो । इच्छुक लगानीकर्ताले चैत्र ११ गतेसम्म उक्त कम्पनीको आईपीओका लागि आवेदन दिन सक्ने छन् ।

कूल निष्काशन मध्ये ३ प्रतिशत अर्थात ९३ हजार ७ सय ५० कित्ता कम्पनीको कर्मचारीको लागि र ५ प्रतिशत अर्थात् १ लाख ५६ हजार २ सय ५० कित्ता सामुहिक लगानी कोष योजनाहरुको लागि छुट्याएर बाँकी रहेको २८ लाख ७५ हजार कित्ताका लागि सर्वसाधारणले आवेदन दिन सक्ने छन् ।

सर्वसाधारणका लागि छुट्याइएको उक्त आईपीओ २ लाख ८७ हजार ५ सय  जनाले १० कित्ताका दरले पाउने छन् । हिजोआज आईपीओमा २६–२७ लाख जनाको आवेदन पर्ने गरेकाले १० कित्ताको लागि मात्रै आवेदन दिनु उपयुक्त हुनेछ ।