प्रकाश सपुतलाई नधम्क्याउन वाईसीएललाई युथ फोर्सको चेतावनी

यसैबीच नेकपा एमालेको भ्रातृ संस्था राष्ट्रिय युवा संघ नेपालको युथ फोर्सले गायकलाई धम्की नदिन चेतावनी दिएको छ।

आइतबार युथ फोर्सका प्रमुख पुष्पराज श्रेष्ठले  विज्ञप्ति जारी गरी गायक प्रकाश सपुतलाई दिएको धम्कीप्रति आपत्ति जनाएका हुन्।

‘देशको गहनाका रुपमा उदयमान प्रकाश सपुतजस्तो प्रतिभाविरुद्ध भइरहेका धम्कीपूर्ण भाषाको प्रतिकार गर्न युथ फोर्स नेपाल हरदम तयार छ’, विज्ञप्तिमा भनिएको छ, ‘यदि कानुनसम्मत भएको रचनालाई कसैले धम्की दिई रोक्न खोजिन्छ र राजनीतिक नाममा अराजनीतिक गतिविधि गर्न खोजिन्छ भने यसको प्रतिकार गर्ने मुलुकमा युथ फोर्स नेपाल रहेको अवगत गराउँदै यस्ता धम्कीपूर्ण कार्य रोक्न सुझाव दिन चाहन्छौं।’