सुनको मूल्य ६०० रुपैयाँले घट्यो, तोलाको कति ?

काठमाडौं – आइतबार नेपाली बजारमा सुनको मूल्य घटेको छ । गत शुक्रबारको तुलनामा आज आइतबार सुनको मूल्य प्रतितोला ६०० रुपैयाँले घटेको हो । गत शुक्रबार प्रतितोला ९९ हजार ८०० रुपैयाँमा कारोबार भएको सुनको मूल्य आज प्रतितोला ९९ हजार २०० रुपैयाँमा कारोबार हुने सुनचाँदी व्यवसाय महासङ्घले जनाएको छ ।

महासङ्घका अनुसार आज तेजाबी सुनको मूल्य प्रतितोला ९८ हजार ७०० रुपैयाँ रहेको छ । यस्तै चाँदीको मूल्य पनि घटेको छ । गत शुक्रबार प्रतितोला १ हजार ३८५ रुपैयाँमा कारोबार भएको चाँदी आज आइतबार प्रतितोला १० रुपैयाँले घटेर प्रतितोला १ हजार ३७५ रुपैयाँमा कारोबार हुने महासङ्घले जनाएको छ ।