सुनको मूल्य ९०० रुपैयाँले बढ्यो, कतिमा हुदैछ कारोवार ?

काठमाडौं – नेपाली बजारमा शुक्रबार सुनको मूल्य बढेको छ । हिजो विहिबारको तुलनामा आज सुनको मूल्य प्रतितोला ९०० रुपैयाँले बढेको हो । जसअनुसार शुक्रबार सुन प्रतितोला ९९ हजार ९०० रुपैयाँमा कारोबार हुने सुनचाँदी व्यवसाय महासङ्घले जनाएको छ ।

हिजो विहिबारको सुन प्रतितोला ९९ हजार रुपैयाँमा कारोबार भएको थियो । विहिबार सुन बुधबारको तुलनमा बप्रतितोला ५०० रुपैयाँले घटेको थियो । महासङ्घका अनुसार आज तेजाबी सुनको मूल्य प्रतितोला ९९ हजार ४०० रुपैयाँ रहेको छ ।

यस्तै चाँदीको मूल्य भने स्थिर रहेको छ । हिजो विहिबार प्रतितोला १ हजार ३८० रुपैयाँमा कारोबार भएको चाँदी आज शुक्रबार पनि प्रतितोला सोही मूल्यमा कारोबार हुने महासङ्घले जनाएको छ