नेपाल बैंकका कर्मचारी र ग्राहकलाई आगन्तुक रिसोर्टमा २५ प्रतिशतसम्मको छुट
कागजपत्र |
काठमाडौं – नेपाल बैंकका कर्मचारी, कर्मचारीका परिवारका सदस्य र ग्राहकलाई धुलिखेलको आगन्तुक रिसोर्टमा २५ प्रतिशतसम्म विशेष छुट पदान गर्ने सम्झौता गरिएको छ। नेपाल बैंकको प्रधान कार्यालयमा भएको उक्त सम्झौतामा नेपाल बैंकका प्रमुख वित्त अधिकृत होमबहादुर खड्का र आगन्तुक रिर्सोटका तर्फबाट बोर्ड संयोजक कृष्ण ज्ञवालीले हस्ताक्षर गरेका हुन् ।
उक्त सम्झौता अनुसार नेपाल बैंक र आगन्तुक रिसोर्टबीच सोमबार सम्झौताबमोजिम नेपाल बैंकका कर्मचारी र कर्मचारीका परिवारका सदस्यले आगन्तुक रिसोर्टमा खाना तथा आवासमा २५ प्रतिशत र पेय पदार्थमा लाग्ने शुल्कमा १५ प्रतिशत छुट पाउनेछन्।
त्यसैगरी नेपाल बैंकको डेबिट कार्ड, क्रेडिट कार्ड, मोबाइल बैंकिङ, इन्टनेट बैंकिङ र क्यूआर कोडमार्फत भुक्तानी गर्ने ग्राहकलाई पनि उक्त छुट दिने व्यवस्था गरिएको छ।
