अब पीसीआर रिपोर्टबिनै दिल्ली जान सकिने

काठमाडाैँ – कोरोनाविरुद्धको खोप लगाएका यात्रुले अब काठमाडौंबाट बिमानमा भारतको राजधानी नयाँदिल्ली जाँदा कोरोना परीक्षणको पीसीआर रिपोर्ट देखाउनु नपर्ने भएको छ।

कोरोनाविरुद्धको प्राथमिक खोप लगाएका यात्रुले अब काठमाडौंबाट दिल्ली जाँदा कोरानाको आरटी–पीसीआर परीक्षण गराइराख्न नपर्ने भारतको स्वास्थ्य तथा परिवार कल्याण मन्त्रालयले जनाएको छ।

मन्त्रालयले नयाँ ट्राभल गाइडलाइन जारी गर्दै कोरोनाविरुद्धको पूर्ण खोप लगाएका यात्रुलाई आरटी पीसीआर परीक्षण गराउन आवश्यक नभएको उल्लेख गरेको हो।

मन्त्रालयले नेपालसहित विश्वका ८२ वटा मुलुकबाट भारत आउने यात्रुलाई यस्तो छुट दिएको हो। यात्रा गर्नुअघि यात्रुले एयर सुविधा फर्म भने भर्नुपर्ने गाइडलाइनमा उल्लेख छ।