चिर्पटले हानेर हत्या गरेको आरोपमा ‘अघोरी बाबा’ पक्राउ
कागजपत्र |
काठमाडाैं – चिर्पटले हानेर एक व्यक्तिको हत्या गरेको आरोपमा ‘अघोरी बाबा’ पक्राउ परेका छन् ।
महानगरीय प्रहरी वृत्त कीर्तिपुरको टोलीले दक्षिणकाली नगरपालिका–६ फर्पिङका शिव गिरी (अघोरी बाबा)लाई आज (शुक्रवार) दक्षिणकालीबाटै पक्राउ गरेको हो । मृतककाे टाउकोमा चोट पाइएकाे छ ।
प्रहरीका अनुसार गिरिले बोल्न नसक्ने ४५ वर्षीय एक व्यक्तिको टाउकोमा चिर्पटले हान्दा घाइते भएपछि मनमोहन स्मृति सामुदायिक अस्पतालमा पठाइएको थियो । त्यहाँबाट वीर अस्पतालमा रिफर गरेपछि अस्पतालले मृत घोषणा गरेको महानगरीय प्रहरी परिसर काठमाडौंले जनाएको छ ।
