काठमाडौंमा ४८७५ सहित उपत्यकामा थपिए ६२६२ संक्रमित

काठमाडौं – काठमाडौं उपत्यकामा पछिल्लो २४ घन्टामा ६२६२ जना नयाँ कोरोना संक्रमित थपिएका छन् ।

स्वास्थ्य मन्त्रालयका अनुसार गत २४ घन्टामा काठमाडौं जिल्लामा मात्रै ४ हजार ८७५ जनामा कोरोना संक्रमण पुष्टी भएको छ भने भक्तपुरमा ५१५ जना र ललितपुरमा ७८२ जनामा कोरोना पुष्टी भएको छ ।

मन्त्रालयका अनुसार देशभर गत २४ घन्टामा १२००८ जना कोरोना संक्रमित थपिएका छन् । स्वास्थ्य मन्त्रालयका अनुसार गत २४ घन्टामा देशभरका विभिन्न प्रयोगशालामा गरिएको २५९०९ नमुना परिक्षणमा उक्त संख्यामा कोरोना पोजेटिभ देखिएका हुन् ।

मन्त्रालयका अनुसार सोही अवधिमा देशभरका विभिन्न अस्पतालबाट ३०४० जना कोरोनामुक्त भएका छन् भने कोरोनाकै कारण ८ जनाले ज्यान गुमाएका छन् । यससँगै हालसम्म नेपालमा ११ हजार ६ सय ६७ जनाको मृत्यु भएको छ ।