देउवाले थपे फेरि ३ केन्द्रीय सदस्य, शाही, पौडेल र गुरुङ मनोनित
कागजपत्र |
काठमाडौं – नेपाली कांग्रेसका सभापति शेरबहादुर देउवाले नेपाली कांग्रेस केन्द्रीय सदस्यमा थप ३ जनालाई मनोनित गरेका छन् ।
देउवाले नेपाली कांग्रेसको विधान २०१७ (संशोधनसहित) धारा २१ को उपधारा (१०) बमोजिम जीवनबहादुर शाही, प्रदीप पौडेल र कल्याणकुमार गुरुङलाई केन्द्रीय सदस्यमा मनोनित गरेका हुन् ।
यसअघि देउवाले शनिबार रामचन्द्र पौडेल, कृष्ण सिटौला लगायत महाधिवेशनमा पराजित र निर्वाचनमा सहभागी नभएका गरी १० जनालाई केन्द्रीय सदस्यमा मनोनित गरेका थिए ।
