शेरबहादुरजी सरकारको नेता हुनुस्ः केपी ओली
कागजपत्र |
काठमाडौं – नेकपा एमालेका अध्यक्ष केपी शर्मा ओलीले शेरबहादुर देउवालाई सरकारको नेता हुन सुझाव दिएका छन्।
शुक्रबार नेपाली कांग्रेसको १४औं महाधिवेशनलाई सम्बोधन गर्दै अध्यक्ष ओलीले देउवालाई प्रधानमन्त्री मात्र नभएर सरकारको नेता बन्न सुझाव दिएका हुन्।
‘शेरबहादुरजीलाई मेरो एउटा सुझाव छ,’ अध्यक्ष ओलीले भने, ‘तपाईं प्रधानमन्त्री मात्र होइन सरकारको नेता हुनुस्।’
केही दिनअघि माओवादी अध्यक्ष पुष्पकमल दाहाल ‘प्रचण्ड’ले कांग्रेसको सरकार भए पनि आफूले सरकारको नेतृत्व गरिरहेको बताएका थिएश्र
देशलाई सही दिशामा अघि बढाउने अभिभारा नेपाली कांग्रेस र नेकपा एमालेको काँधमा आएको बताएका ओलीले माधवकुमार नेपाल र पुष्पकमल दाहालप्रति संकेत गर्दै साना दललाई नेपाली कांग्रेसले औंलो समाउन दिएन भने के होला भन्दै प्रश्नसमेत गरे।
