मध्यरात सहमतिबारे प्रधानमन्त्री ओली भन्छन्: राजनीतिक गतिविधिको समय अफ हुँदैन

काठमाडौं – प्रधानमन्त्री केपी शर्मा ओलीले राजनीतिक गतिविधिको समय अफ नहुने बताएका छन् ।

सोमबार प्रतिनिधि सभाको बैठकमा सांसदले उठाएका प्रश्नको जवाफ दिँदै प्रधानमन्त्री ओलीले राजनीतिक गतिविधिको समय अफ नहुने बताएका हुन् ।

कांग्रेस र एमालेले मध्यरातमा सहमती गरेको विषयमा उल्लेख गर्दै उनले भने, ‘मैले नबुझ्या हामी यो गरिमामय सदनमा के कस्ता कुरामा अल्झिदैछौं ? पार्टीभित्र भएका सहमति ‘एएम’ मा कि ‘पीएम’ मा हुनुपर्छ ? कति बजेर कति बजेमा हुनुपर्छ ? यस्तो कहीँ कतै छ र ? यस्तो हुन्छ ? एएमभित्र सक्नुपर्छ ? यति बजेर यति मिनेट गएपछि अफिस अफ हुन्छ र ? राजनीतिक दलको अफिस अफ हुँदैन । राजनीतिक गतिविधिको समय अफ हुँदैन । घडी अफ हुँदैन । समय गतिशील छ ।’