केसीद्धवयकाे स्वरमा दशैं गीत ‘परदेशमा बस्न मन छैन’ सार्वजनिक (भिडियोसहित)
कागजपत्र |
काठमाडाैं – नायक तथा गायक दिनेश केसी र सुमधुर आवाजकी धनी गायिका आशा केसीको स्वर रहेको ‘परदेश बस्न मन छैन’ बोलको दशैं गीत म्युजिक भिडियो सहित सार्वजनिक भएको छ । उक्त गीतमा अमृत भारतीको शब्द, राजकुमार नेपालीको संगीत रहेको छ ।
गीतको भिडियोमा विशेषतः चाडपर्वका बेला परदेशमा रहँदा आफ्नो गाउँघर र परिवारको सम्झनालाई मर्मस्पर्शी ढंगबाट उतार्ने प्रयास गरेको भिडियोका निर्देशक चेतनाथ दंगालले बताए । भिडियोमा नायक दिनेश केसी, नायिका उषा खनाल, सरिता राजोपाध्याय, पुर्षोत्तम दंगाल लगायतका कलाकारले जिवन्त अभिनय रहेको छ ।
गीतको भिडियोलाई मदन कास्यप घिमिरेले छाँयाकन गरेका हुन भने सम्पादन लिगेश भट्टराईको रहेको छ । ‘परदेशमा रहने नेपालीले दशैं, तिहारमा घरपरिवारलाई कसरी सम्झिन्छन्, गीतमार्फत मैले त्यही भाव प्रस्तुत गर्ने जमर्को गरेको हुँ, आशा छ गीतले दर्शक, स्रोताकोे मन छुनेछ’ गायक केसीले भने । केसीले दर्जनौँ चलचित्रमा समेत अभिनय गरिसकेका छन्। भिडियोलाई भारती पिक्चर्सको अफिसियल य्ट्युव च्यानल मार्फत सार्वजनिक गरिएको छ ।
