देशभर १४२३ संक्रमणमुक्त हुँदा ९११ मा कोरोना पुष्टी, १३ को मृत्यु

काठमाडौं – नेपालमा पछिल्लो २४ घण्टामा ९११ जनामा कोरोनाभाइरस संक्रमण पुष्टि भएको छ । सोही अवधिमा १४२३ जना संक्रमणमुक्त भएका छन् ।

स्वास्थ्य तथा जनसंख्या मन्त्रालयका अनुसार ११ हजार १८ जनामा परीक्षण गर्दा १२७१ जनामा संक्रमण पुष्टि भएको हो ।

हालसम्म कोरोना संक्रमितको कुल संख्या पीसीआर विधिबाट भएको परीक्षणमा ७ लाख ७७ हजार १६३ र एन्टिजेन विधिबाट भएको परीक्षणमा ८६ हजार ६९४ जना पुगेको छ । यस्तै संक्रमितमध्ये ७ लाख ३९ हजार ४५७ जना निको भएका छन् ।

यस्तै पछिल्लो २४ घण्टामा थप १३ जनाको कोरोनाबाट मृत्यु भएसँगै मृतकको कुल संख्या १० हजार ९४९ पुगेको मन्त्रालयले जनाएको छ ।