किरण गजमेरले जिते द भ्वाइस अफ नेपालको उपाधि

काठमाडौं – गायन रियालिटी सो ‘द भ्वाइस अफ नेपाल’ सिजन–३ को उपाधि किरण गजमेरले जितेका छन् ।

झापाको खुदुनाबारीबाट पुनर्वासका क्रममा अमेरिका पुगेका गजमेरले ‘द भ्वाइस अफ नेपाल’ सिजन–३ को उपाधि जितेका हुन् ।

टप–४ मा पुगेका अन्य तीन प्रतिस्पर्धी आर्यन राई, ज्वाला राई र तारा श्रीष मगरलाई पछि पार्दै सर्वाधिक भोटका आधारमा उनले उपाधि जितेका हुन् । गजमेर कोच प्रमोद खरेलको टिममा रहेका थिए ।

उपाधिसँगै किरणले २५ लाख रुपैयाँ पनि जितेका छन् । उनी टिम प्रमोदबाट टप–४ मा पुगेका थिए ।