थाइफुड्सको ‘टु पिएम अकबरे’ उपभोक्ताबीच लोकप्रिय
कागजपत्र |
काठमाडौं — एसियन थाइफुड्सले ल्याएको टुपिएम अकबरे नेपाली उपभोक्ताहरुबीच लोकप्रिय बनेको छ । पछिल्ला दिनमा एक नासको स्वादमा बानी परेका नेपाली उपभोक्ताहरुले फरक र नयाँ स्वादको टुपिएम अकबरेमा बानी पर्न थालेका छन् ।
२१ वर्ष अघि खाद्दान्नको बजारमा पाइला राखेको एसियन थाइफुड्सले सामान्य अपेक्षासहित उत्पादन सुरु गरेको अकबरेलाई सुरुका दिनमा डिपार्टमेन्ट स्टोर र सुपरमार्केट लगायतका ट्रेड आउटलेटहरुमा वितरण गरियो । त्यहाँबाट अपेक्षा गरिएभन्दा बढी खपत हुन थालेपछि उत्पादन बढाउँदै अन्य बजारहरुमा पनि विक्री वितरण गरिएको कम्पनीले जनाएको छ ।
परीक्षणकालको एक वर्षमा नै अपेक्षा गरिएभन्दा सकारात्मक नतिजा पाएको एसियन थाइ फुड्सका प्रबन्ध निर्देशक महेशकुमार जाजुले बताए । उनले भने, ‘हाम्रो उत्पादनले त्यति धेरै बजार लिन्छ भन्ने अनुमानसमेत गरेका थिएनौँ, अनुमान भन्दा बढी परिणाम आएपछि हामी थप उत्साहित भयौं ।’
देशभित्रै उत्पादन गरिएको कारण पनि पनि न्यूनतम मूल्य कायम गरि उपभोक्तामाझ पुर्याउन सफल भएको उनी बताउँछन् । ‘विदेशबाट आयात भएको उत्पादनमा पारवाहन खर्च, भन्सार शुल्कदेखि भ्याटसम्म तिरेपछि नाफासहित जोड्दा महंगो मूल्य निर्धारण हुन्छ, नेपालमै उत्पादन हुँदा उल्लिखित शुल्कहरुमा सहुलियत हुने हुँदा कम मूल्य कायम भएको हो ’, उनले भने ।
उपभोक्ताको अत्याधिक माग बढ्न थालेपछि उद्योगले उत्पादन र आपूर्ति पनि सोहीअनुसार बढाउन शुरु गर्यो । एसियन थाइ फुड्सको ‘टु पिएम अकबरे’ लोकप्रिय हुँदै गर्दा बजारमा अन्य उत्पादकहरुले पनि हट एण्ड स्पाइसी सेगमेन्टका चाउचाउ ल्याउन थाले । चर्को प्रतिस्पर्धाको बीचमा ब्राण्ड बनिसकेको ‘टु पिएम अकबरे’ गुणस्तरकै कारण अत्याधिक रुचाइएको पाइएको छ ।
