प्रियंकाको गर्भावस्थाको तस्बिरलाई लिएर सासु रविनाको यस्तो प्रतिक्रिया

काठमाडौँ – पछिल्लो समय अभिनेत्री प्रियंका कार्कीले गर्भावस्थामा सार्वजनिक गरेको तस्बिरलाई लिएर सामाजिक सञ्जालमा सकारात्मक तथा नकारात्मक दुवै प्रकारका टिका टिप्पणी भइरहेका छन्।

प्रियंकाको तस्बिरलाई लिएर अधिकांश कलाकार मौन रहेको बेला आफ्नो परिवारले भने उनलाई साथ दिएको छ। सासु रविना देशराज श्रेष्ठले प्रियंकालाई खुलेर साथ दिँदै बिकिनीमा अतिरिक्त सुदरी देखिएको भन्दै प्रशंसा समेत गरेकी छन्।

शनिबार सामाजिक सञ्जाल फेसबुकमा प्रियंकाको तस्बिरमा केही शब्द खर्चिएकी रविनाले भनेकी छन्, ‘उनी बिकिनी रुचाउँछिन् र यसमै आरामदायी र खुसी महसुस गर्छिन्।’

कतिपयले प्रियंकाको क्रियाकलाप महिला सशक्तीकरणसँग जोडेर चर्चा गरेका छन् भने कतिपयले सामाजिक विकृति समेत भनेका छन्। यस्तो अवस्थामा रविनाले एउटी गर्भवती महिलाको शरिर र बिकिनीमात्र देख्ने तपाई गलत भएको समेत बताएकी छन्।