रेश्मा र प्रदिपको वास्तविक प्रेमिल अभिनय (भिडियोसहित)

काठमाडौं – गायिका रेश्मा बमजन र गायक प्रदिप ग्लानले संयुक्त स्वरमा मेरो एउटै चाहना‘ बोलको आधुनिक गीत सार्वजनिक भएको छ ।

उक्त गीतमा शब्द र सङ्गीत प्रदिप ग्लानको रहेको छ भने सङ्गीत संयोजन पुष्कर सुनुवारले गरेका छन् । कतारमा छायाङ्कन गरिएको यस गीतको भिडियोमा राजेन्द्र थापा र प्रिन्सेस करलाले अभिनय गरेका छन् । भिडियोको छायाङ्कन, निर्देशन र सम्पादन कतारमा नै रहेर भबिन्द्र तामाङले गरेका हुन् ।

यस भिडियोमा आश्वासन नदिइकन वास्तविक मायापिरती गाँस्ने मायालु जोडीको प्रतिबद्धता देखाइएको छ । अचेल मायावी खेल बढिरहेको बेलामा पनि वास्तविक प्रेमिल चाहना र सपना देखेका छन्, रेश्मा र प्रदिपले । यसमा अभिनीत जोडीले आफ्नो प्रेमिल अभिनय देखाएका छन् ।

पद्मकन्या क्याम्पसबाट बिम्युज गरेका दुधौली नगरपालिका लदाभीर सिन्धुली निवासी गायिका बम्जनले यसअघि यो कान्छीको‘, के सारो हेरेको‘, डम्फु र सेलो‘।, सोल्टिनी मैच्याङ‘।, तामाङकी चेली‘, गोरी गोरी मैच्याङ‘, अम्मैले होइ‘लगायतका गीतहरूमा आफ्नो सुमधुर आवाज दिइसकेकी छिन् । यसैगरी प्रयाग सङ्गीत पाठशाला इलाहावादबाट बिम्युज गरेका बर्दिबास ७ महोत्तरी निवासी गायक ग्लानले पहिलो भेट‘, जेबा जेबा‘, म भन्दानी‘ भाग १ देखि ३ सम्म, र डुब डुब‘ , बोलका गीतहरू बजारमा ल्याइसकेका छन् ।