दक्षिण भारतीय फिल्म उद्योग र बलिउडमा चम्किएकी नोरा को हुन्?

काठमाडौं– दक्षिण भारतीय फिल्म उद्योग र बलिउडमा अहिले आइटम डान्समा चम्किएकी छन्, नोरा फतेही। उनी भारतीय टेलिभिजन उद्योगका कतिपय रियालिटी शोमा समेत सहभागी भइसकेकी छन्।

सुन्दर नृत्यकी धनी नोरा को हुन्?

क्यानडामा हुर्किएकी मोरोक्कोमा जन्मिएकी हुन्, नोरा। २८ बर्षिया डान्सर, मोडल र अभिनेत्री नोरा गायनमा पनि पोख्त छिन्। उनले हिन्दी, तेलगु, मलयालम भाषाका फिल्ममा काम गरिसकेकी छन्।

रोअरः टाइगर्स अफ दी सुन्दरबन फिल्मबाट बलिउडमा पाइला टेकेकी नोराले आइटम नम्बरका लागि तेलगुमा पनि चर्चा कमाइन्। टेम्पर, बाहुबलीः द बिगिनिङ र किक–२ मा आइटम गरेकी उनले डब्बल ब्यारेल र कायाकुलम् कोचुन्नी भन्ने मलयालम फिल्ममा अभिनय पनि गरिन्।

सन् २०१५ मा उनी टेलिभिजन रियालिटी शो बिग बोस–९ मा स्पर्धी भएर ८४ दिनसम्म बिगबोस हाउसमा बसिन्। सन् २०१६ मा उनले टेलिभिजन डान्स रियालिटी शो झलक दिखला जामा स्पर्धा गरिन्। दिल्बर भन्ने गीतमा सत्यमेव जयते फिल्ममा नोराको आइटम डान्सले चर्चा पायो जसलाई २ करोड बढीले युट्युवमा २४ घन्टाभित्र हेरेर रेकर्ड बनाइदिए।

अहिले नोरा भारतीय फिल्म उद्योगमा चर्चाको शिखरमा छिन्। उनी कतिपय टेलिभिजन रियालिटी शोमा स्पेशल निर्णायका रुपमा पनि देखा पर्न थालेकी छन्। (एजेन्सी)

हेर्नुहोस् नोराका सुन्दर तस्बिरहरू