मनि लाउन्डरिङ प्रकरणमा दीपक भट्ट र सुलभ अग्रवाललाई थप १२ दिन हिरासत
कागजपत्र |
काठमाडौं – सम्पत्ति शुद्धीकरण (मनि लाउन्डरिङ) मुद्दामा पक्राउ परेका व्यवसायीद्वय दीपक भट्ट र सुलभ अग्रवाललाई विशेष अदालतले थप १२ दिन हिरासतमा राखेर अनुसन्धान गर्न अनुमति दिएको छ।
बुधबार विशेष अदालतका न्यायाधीश हेमन्त रावल, डिल्लीरत्न श्रेष्ठ र विदुर कोइरालाको संयुक्त इजलासले उनीहरूलाई थप म्याद दिने निर्णय गरेको हो।
सुलभ अग्रवाल शंकर ग्रुपका सञ्चालक हुन्। उनको हकमा यो छैटौँ पटक म्याद थप गरिएको हो भने दीपक भट्टको हकमा पाँचौँ पटक म्याद थप भएको हो।
सम्पत्ति शुद्धीकरण विभागले नेपाल प्रहरीको केन्द्रीय अनुसन्धान ब्युरो (सीआईबी)सँगको समन्वयमा व्यवसायी भट्टलाई चैत १९ गते काठमाडौंबाट पक्राउ गरेको थियो। त्यसपछि चैत २२ गते शंकर ग्रुपका सञ्चालक अग्रवाल पनि पक्राउ परेका थिए।
