दुर्घटनामा परे इन्डियन आइडल-१२ का विजेता पवनदिप राजन
कागजपत्र |
भारत – इन्डियन आइडल १२ का विजेता गायक पवनदिप राजनको दुर्घटना भएको छ ।
उनी आज विहान भारतको अमरोहामा कार दुर्घटनामा परेका हुन् । उनलाई गम्भीर चोट समेत लागेको अन्तराष्ट्रिय समाचारमाध्यमले जनाएका छन् । सामाजिक सञ्जालमा गायकको भिडियो र फोटोहरु सार्वजनिक भएको छ, जसमा उनी गम्भीर अवस्थामा देखिएका छन् । डाक्टरहरूले उनको उपचार गरिरहेका छन्।
पवनदीप राजनसँग भएको दुर्घटनाको बारेमा थप जानकारी आउन बाँकी छ। तर भिडियोमा पवनदीपको बायाँ खुट्टा र दाहिने हातमा चोट लागेको देखिन्छ।
प्रशंसकहरू उनको स्वास्थ्यको बारेमा चिन्तित भएका छन् र उनको सुरक्षाको लागि प्रार्थना गरिरहेका छन्। दुर्घटनामा कार पूर्ण रूपमा क्षतिग्रस्त भएको छ।
