पहिला पत्नीलाई जिस्काए, पछि पतिलाई गोगंबुको बीच सडकमै रामधुलाई (भिडिओ)

काठमाडौं–सोमबार बिहान एकजना मान्छेलाई सडकमा निर्घात कुट्दै गरेको भिडिओे सामाजिक सञ्जालमा भाइरल बन्यो।

उक्त भिडिओेमा त्यसरी मान्छेलाई कुटेको हो कि ढुंगालाई? तीनजनाले मिलेर एकजना मान्छेलाई कुटेको देख्दा अन्य मान्छेहरु भिडिओे बनाउन र हेर्न मात्रै उभिएका थिए। आखिर को थिए त्यसरी मान्छे कुट्नेहरु? अनि को थिए पिटाई खाने?

घटनाको काठमाडौं गोगंबुको थियो। त्यसरी मान्छे पिट्दा प्रहरीलाई खबर गर्ने कोही भएनन्। प्रहरीले समेत उक्त घटनाबारे फेसबुकमा अपलोड भएको भिडिओे हेरेर थाहा पायो। अनि अनुसन्धानमा जुट्यो नेपाल प्रहरी।

कुटपिटमा संलग्न तीन जनालाई प्रहरीले पक्राउ गरिसकेको जनाएको छ। घटनाको आधा घण्टामा ३ जनालाई पक्राउ गरिएको महानगरीय प्रहरी परिसर काठमाडौंका प्रमुख एसएसपी अशोक सिंहले जानकारी दिए।

‘मेरै कमाण्डमा खटिएको प्रहरी टोलीले तनहुँ घर भएका तर बनस्थली बस्ने वर्ष २२ का भरत गुरुङ, ढुंगेधारा बस्ने वर्ष २५ का सोमबहादुर गुरुङ र धापासी बस्ने वर्ष २५ का दीपेन्द्रकुमार थापालाई पक्राउ गरेका हौं,’ सिंहले भने, ‘महाराजगञ्ज वृत्तबाट उनीहरुविरुद्ध अभद्र व्यवहारमा मुद्दा चलाएका हौं।’

उनीहरुले सुनसरी घर भई गोंगबु बस्ने अमर लिम्बुलाई कुटपिट गरेका थिए।

‘जो चोर उसैको ठूलो स्वर’ भनेजस्तै लिम्बुमाथि कुटपिट गर्नुको कारण पनि त्यस्तै छ। आफ्नी श्रीमतीलाई जिस्काएपछि लिम्बुले किन जिस्काएको भनेर विरोध गर्दा उनीहरुले एक्कासी लिम्बुमाथि निर्घात कुटपिट गरेको प्रहरी अनुसन्धानबाट खुलेको सिंहले बताए।

बीच सडकमै लिम्बुमाथि निर्घात कुटपिट भएको भिडिओे उनीहरु आफैंले सामाजिक सञ्जालमा सार्वजनिक गर्न लगाएको प्रहरीको दावी छ। घटनाबारे थप अनुसन्धान भइरहेको प्रहरीले जनाएको छ।

https://youtu.be/oL4Ep7tNJek