यी ८० सुरक्षाकर्मीहरू जो भए तीनकुने घटनामा घाइते (नाम र पदसहित)
कागजपत्र |
काठमाडौं – राजावादीहरुले गत एक साताअघि गरेको प्रदर्शनमा ८० जना सुरक्षाकर्मीहरु घाइते भएको तथ्यांक सार्वजनिक भइसकेको छ ।
राजधानीको तीनकुने क्षेत्रमा सुरु भएको प्रदर्शनका क्रममा प्रदर्शनकारी र सुरक्षाकर्मीबीच झडप हुँदा तीनकुने क्षेत्रको वातावरण अस्तव्यस्त बन्दै कर्फ्यूसम्म पनि लगाउनुपर्ने अवस्था आइलाग्यो ।
त्यस क्रममा प्रहरीको गोली लागी एक जनाको मृत्यु भयो भने २० जना घाइते भएका थिए । ती मध्ये एक जना २२ वर्षीया युवती अहिले पनि गम्भीर अवस्थामा राजधानीको सिभिल अस्पतालमा उपचाररत छिन् ।
प्रदर्शनका क्रममा प्रदर्शनकारीमात्र नभएर सुरक्षाकर्मीहरु पनि घाइते भएका छन् । त्यो दिन तीनकुने क्षेत्रमा खटिएका सयौं सुरक्षाकर्मीमध्ये नेपाल प्रहरीका ५५ जना र सशस्त्र प्रहरी बलका २५ जना गरी जम्मा ८० जना घाइते भएका छन् । घाइते हुनेमा प्रहरी जवानदेखि लिएर डिएसपीसम्म रहेका छन् । घटनामा ३ जना डिएसपी घाइते भएका थिए ।
प्रदर्शनमा ३ डिएसपी, ५ इन्स्पेक्टर, चार असईसहित ८० जना घाइते भएका हुन् । तीनैजना डिएसपी नेपाल प्रहरीका हुन् भने ५ इन्स्पेक्टर मध्ये ३ जना सशस्त्र प्रहरी बलका हुन् ।
घाइते हुने सिनियर अधिकृतहरुमा डिएसपीहरु भुवनेश्वर साह, हितेन्द्र रोकाया र विरेन्द्र गोदार रहेका छन् । त्यस्तै जनपद तर्फका इन्स्पेक्टरद्वय सविनकुमार कार्की र उपेन्द्र आचार्यका साथै सशस्त्रका आशिष गैडा, पर्शुराम लामिछाने र पशुपति पुरी घाइते भएका छन् ।
प्रदर्शनकारीले गरेको आगजनीमा समाचार संकलनका क्रममा खटिएका एक टेलिभिजनका कर्मचारीले जलेरै ज्यान गुमाउन पुगेका थिए ।
घाइते भएका सुरक्षाकर्मीहरुः
