कलंकीको गेष्ट हाउसमा मृत भेटिईन् कञ्चन
कागजपत्र |
काठमाडौँ – काठमाडौँको कलङ्कीस्थित गण्डकी गेष्ट हाउसमा एक युवती मृत भेटिएकी छन् ।
काठमाडौँ महानगरपालिका–२१ जैसीदेवल घर भएकी २९ वर्षीया कञ्चन गौतम गेष्ट हाउसको कोठा नम्बर–२०३ मा मृत फेला परेकी हुन् ।
मृतकले क्युटिपिम आर–३०० नामको ७० ट्याब्लेट औषधी सेवन गरेको भेटिएको जिल्ला प्रहरी परिसर काठमाडौँका एसपी नवराज अधिकारीले जानकारी दिए ।
प्रारम्भिक अनुसन्धानबाट औषधीको ओभरडोजबाट मृत्यु भएको देखिएको र घटनाको थप अनुसन्धान भइरहेको प्रहरीले जनाएको छ ।
असोज ५ गते साँझ उनी सो गेष्ट हाउसमा बस्न गएकी हुन् । शव पोस्टमार्टमका लागि त्रिवि शिक्षण अस्पतालमा पठाइएको छ ।
