५० करोडको लागतमा बनेको ‘स्त्री-२’ दुईदिनमै सय करोड क्लबमा
कागजपत्र |
काठमाडौं- करिब ५० करोडको लागतमा बनेको बलिउड फिल्म ‘स्त्री-२’ ले भारतीय बक्स अफिसमा शानदार कमाई गरेको छ । फिल्मले रिलिजको दोस्रो दिनमै सय करोडको आँकडा पार गरेर नयाँ किर्तिमान कायम गरेको हो ।
फिल्मले रिलिजको दोस्रो दिन शुक्रबार ३५ करोड ३० लाख कमाई गरेको फिल्म विश्लेषक तरण आदर्शले जानकारी दिएका छन् । फिल्मले अहिलेसम्म १०० करोड १० लाख कमाई गरेको छ । फिल्मले रिलिजको पहिलो दिन बिहीबार ५५ करोड ४० लाख कमाई गरेको थियो ।
अमर कौशिकले निर्देशन गरेको स्त्री-२ मा श्रद्धा कपूर, राजकुमार राव, पंकज त्रिपाठी, अभिषेक बेनर्जीलगायतको अभिनय रहेको छ ।
