प्राध्यापक बिष्टको हत्यामा संलग्न व्यक्ति १७ वर्षपछि पक्राउ
कागजपत्र |
काठमाडौं – प्रहरीले मिनभवनस्थित नेपाल कमर्स क्याम्पसका प्राध्यापक धर्मराज बिष्टको हत्यामा संलग्न भएको आरोप लागेका व्यक्ति १७ वर्षपछि पक्राउ परेको छ ।
बुधबार पत्रकार सम्मेलन गरी काठमाडौं उपत्यका अपराध अनुसन्धान कार्यालयले रञ्जन खड्कालाई पक्राउ गरी सार्वजनिक गरेको हो ।
घट्नामा संलग्न मध्य रञ्जन खड्का प्रमुख व्यक्ति रहेको र लामो समयदेखि भारतमा लुकेर बस्दै आएको काठमाडौं उपत्यका अपराध अनुसन्धान कार्यालयका प्रमुख सानुराम भट्टराईले जानकारी दिएका छन् ।
उनले भने, ‘अनुसन्धान गर्दा घट्नामा संलग्न मध्य रञ्जन खड्का प्रमुख व्यक्ति रहेको खुल्न आएको र हाल प्रतिवादी रञ्जन खड्का धेरै समय भारतको ब्याङ्लोरमा लुकेर बसेको खुल्न आएको छ ।’
प्रहरीले यसअघि विनोद थापा र सबिता थापा अधिकारीलाई पक्राउ गरेको थियो । बिष्टको २०६४ असार २६ गते शंखमुलमा सबितालाई जिस्काएको निहुँमा निर्घात कुटपिट गरि हत्या गरिएको थियो ।
