अनुपम खेरले गरे ‘गोर्खा वारियर’को तारिफ
कागजपत्र |
काठमाडौं– बलिउड अभिनेता अनुपम खेरले नेपाली फिल्म ‘गोर्खा वारियर’को पोस्टर सेयर गर्दै टेलर मन परेको प्रतिक्रिया दिएका छन् । इन्स्टाग्राम स्टोरीमामार्फत उनले सो कुरा सार्वजनिक गरेका हुन् ।
अनुपमले फिल्मका निर्देशक मिलन चाम्सलाई ट्याग गर्दै लेखेका छन्, ‘टेलर मन पर्यो नेपाल ।’
चाम्स निर्देशित फिल्म गोर्खा वारिअर शुक्रबारदेखि नेपालसहित विदेशमा समेत रिलिज भएको छ । यो फिल्मले सन् १९४८ देखि १९६० सम्म चलेको मलाया संकटकालको बेला स्वतन्त्रता लडाकुहरुले बेलायती उपनिवेशविरुद्ध थालेको सशस्त्र विद्रोहको कथा प्रस्तुत गर्छ ।
